ოფიციალურად: უსმან დემბელე "ელ კლასიკოში" ვერ ითამაშებს
რამდენიმე წუთის წინ ცნობილი გახდა, რომ "ბარსელონას" ფრანგი შემტევი უსმან დემბელე 26 ოქტომბერს გასამართ "ელ კლასიკოს" დისკვალიფიკაციის გამო გამოტოვებს.
ლა ლიგის მე-8 ტურში "სევილიასთან" გამართული შეხვედრის მიწურულს დემბელემ წითელი ბარათი არბიტრის შეურაცხყოფის გამო მიიღო. დღეს ცნობილი გახდა, რომ "ბარსელონამ" ფრანგის გაძევება გაასაჩივრა, მაგრამ ამან შედეგი ვერ გამოიღო.
ესპანეთის ფეხბურთის ფედერაციის ვებგვერდზე გამოქვეყნებული ინფორმაციის თანახმად, "სევილიასთან" მატჩის შემდეგ "ბარსელონა" და მისი ფეხბურთელები შემდეგნაირად დაისაჯნენ:
- ყვითელი ბარათების მიღების გამო 180-180 ევროთი დაჯარიმდნენ ჟერარ პიკე, ნელსონ სემედუ, ლუის სუარესი, სერხიო ბუსკეტსი და უსმან დემბელე;
- მიმდინარე გათამაშებაში 5 ყვითელი ბარათის დაგროვების გამო ჟერარ პიკეს, ერთმატჩიანი დისკვალიფიკაციის გარდა, 600 ევროს გადახდა მოუწევს, ხოლო "ბარსელონას" - 350 ევროსი;
- რონალდ არაუხო, წითელი ბარათის მიღების გამო, ერთმატჩიანი დისკვალიფიკაციითა და 600 ევროთი დაჯარიმდა, ხოლო "ბარსელონა" - 350 ევროთი;
- უსმან დემბელე, წითელი ბარათის მიღების გამო, ორმატჩიანი დისკვალიფიკაციითა და 600 ევროთი დაჯარიმდა, ხოლო "ბარსელონა" - 700 ევროთი.
უსმან დემბელე დისკვალიფიკაციას "ეიბართან" 19 და "რეალთან" 26 ოქტომბერს გასამართ მატჩებში მოიხდის.
ტეგები
მსგავსი სიახლეები
გაწევრიანდი "ბარსელონას" გულშემატკივრების Facebook ჯგუფში
ინფორმაცია
ამ სიახლეზე კომენტარები გათიშულია.
ამ სიახლეზე კომენტარები გათიშულია.
1 2
კომენტარები [ 22 ]