"ბარსელონამ" ვიქტორ ვალდესის შემცვლელიც გაათავისუფლა
"ბარსელონამ" ვიქტორ ვალდესი 19 წლამდელთა გუნდის მთავარი მწვრთნელის პოსტიდან ოფიციალურად ორშაბათს გაათავისუფლა, თუმცა, რეალურად, მან კლუბი რამდენიმე დღის წინ დატოვა, ბოლო მატჩში კი გუნდს სათავეში კიმ რამონი ჩაუდგა, რომელსაც, ერთი შეხედვით, ხელმძღვანელობის და ვალდესის კონფლიქტთან შეხება არ ჰქონდა.
როგორც აღმოჩნდა, "ბარსას" გრძელვადიან გეგმაში არც რამონის მუშაობა შედის - სპეციალისტს, რომელსაც კლუბში სხვადასხვა თანამდებობა ბოლო 10 წლის განმავლობაში ეკავა, დღეს დირექტორებმა, ჟორდი როურამ და აურელი ალტიმირამ, დათხოვნის შესახებ განუცხადეს. შეხვედრას პატრიკ კლუივერტი არ ესწრებოდა. ეს ინფორმაცია კატალონიურ Sport-ს ეკუთვნის.
ასე რომ, ვიქტორ ვალდესთან დაახლოებული პირის ნაცვლად, ახალგაზრდულ გუნდს, როგორც თავიდანვე იგეგმებოდა, ფრანკ არტიგა ჩაიბარებს.
ტეგები
მსგავსი სიახლეები
გაწევრიანდი "ბარსელონას" გულშემატკივრების Facebook ჯგუფში
ინფორმაცია
ამ სიახლეზე კომენტარები გათიშულია.
ამ სიახლეზე კომენტარები გათიშულია.
კომენტარები [ 3 ]