ერნესტო ვალვერდე "სევილიასთან" მატჩის წინ
"ბარსელონას" მთავარმა მწვრთნელმა, ერნესტო ვალვერდემ, ლა ლიგის მერვე ტურის წინ პრესკონფერენცია გამართა.
"ბარსელონაში", ორშაბათს ფსკერზე ხარ, პარასკევს კი მწვერვალზე აღმოჩნდები. ან, პირიქით. ახლა თავს კარგად ვგრძნობთ.
კარგი სერია გვაქვს და გვინდა, ეს "სევილიასთანაც" გავაგრძელოთ. ანდალუსიელები ბოლო დროს შესანიშნავად თამაშობენ, განსაკუთრებით გასვლაზე. მათ სამივე თამაში მოიგეს, მადრიდის "რეალთან" კი დამარცხდნენ, მაგრამ იქაც კარგი შთაბეჭდილება დატოვეს.
ყველა მეტოქე განსხვავებულია, ასე რომ, შეტევაში ცვლილებები აუცილებლად იქნება. ვნახოთ, შეიძლება, უსმან დემბელემ და გრიზმანმა ერთადაც ითამაშონ. დიდი არჩევანი გვაქვს.
ჟორდი ალბას თამაში გამორიცხული არაა, გადაწყვეტილებას მოგვიანებით მივიღებთ.
დაცვის ფლანგებზე სახარბიელო სიტუაცია არ არის, მაგრამ სემედუმ და რობერტომ თავიანთი შესაძლებლობები დაამტკიცეს. თუმცა, იმედი გვაქვს, რომ ალბა დაბრუნებას ხვალვე მოახერხებს" - ციტირებს ვალვერდეს სიტყვებს Marca.
"ბარსა"-"სევილიას" დაპირისპირება ხვალ, თბილისის დროით 23 საათზე დაიწყება.
ამ სიახლეზე კომენტარები გათიშულია.
კომენტარები [ 9 ]