ჯერ კიდევ "ბარსელონას" საკუთრებაში მყოფი ფილიპე კოუტინიო "ბაიერნში" ათამაშდა. მიუნხენურ გუნდში, რომელშიც ბრაზილიელი იჯარით თამაშობს, მან ზედიზდ მე-2 მატჩში აქტივში გოლი და საგოლე გადაცემა ჩაიწერა.

"კიოლნის" შემდეგ, ფილიპე კოუტინიოს მსხვერპლი "პადერბორნი" გახდა. ბოლოადგილოსან გუნდთან გასვლით მატჩში კოუტინიომ, მე-15 წუთზე, გნაბრის გაატანინა, ხოლო 55-ე წუთზე თავად გაიტანა და ანგარიში სტუმართა სასარგებლოდ 2-0 გახადა. საბოლოოდ, "რეკორდმაისტერმა" თამაში 3-2 მოიგო და პირველ ადგილზე გადაინაცვლა.

ბუნდესლიგაში ჩატარებულ 5 მატჩში კოუტინიოს აქტივში უკვე 2 გოლი და 2 საგოლე გადაცემაა.

"ბაიერნს", სეზონის ბოლოს, კოუტინიოს 120 მილიონ ევროდ გამოსყიდვის უფლება ექნება.

გაწევრიანდი "ბარსელონას" გულშემატკივრების Facebook ჯგუფში