ვინ ვის მისცა ხმა FIFA-ს წლის საუკეთესო ფეხბურთელის წოდებაზე
FIFA-ს ვერსიით წლის საუკეთესო ფეხბურთელის გამოვლენის შემდეგ ყოველთვის საინტერესოა, თუ ვინ ვის მისცა ხმა.
როგორც იცით, FIFA საუკეთესო ფეხბურთელს ეროვნული ნაკრებების კაპიტნებისა და მწვრთნელების, ასევე ჟურნალისტების გამოკითხვის შედეგად ავლენს.
დავიწყოთ საქართველოთი. ჩვენი ეროვნული გუნდის კაპიტანმა, ჯაბა კანკავამ, პირველ ადგილზე ვირჯილ ვან დაიკი დაასახელა, შემდეგ კი ლეო მესი და კრიშტიანუ რონალდუ. ნაკრების მთავარმა მწვრთნელმა, ვლადიმერ ვაისმა არჩევანი ლიონელ მესიზე, კრიშტიანუ რონალდუსა და კილიან მბაპეზე შეაჩერა. რაც შეეხება მედიას - ზურაბ ფოცხვერიამ (სარბიელი) ხმა ედენ აზარს, კრიშტიანუ რონალდუსა და ჰარი კეინს მისცა. მესიმ ფოცხვერიას თავი ვერც ამჯერად მოაწონა.
თავად მესიმ, როგორც არგენტინის ნაკრების კაპიტანმა, ხმა სადიო მანეს, კრიშტიანუ რონალდუსა და ფრენკი დე იონგს მისცა.
პორტუგალიის ნაკრების კაპიტანმა, კრიშტიანუ რონალდუმ, როგორც უმეტეს შემთხვევაში ხდება ხოლმე, ხმა არცერთ კონკურენტს არ მისცა. მან არჩევანი მატიას დე ლიხტზე, ფრენკი დე იონგსა და კილიან მბაპეზე შეაჩერა.
ვირჯილ ვან დაიკმა ხმა მესის, სალაჰსა და მანეს მისცა.
საიტნერესოა სხვა ცნობილი ფეხბურთელების არჩევანიც: ედენ აზარი (ბელგიის კაპიტანი) - სადიო მანე, ვირჯილ ვან დაიკი, ლიონელ მესი; ედინ ჯეკო (ბოსნია) - ლიონელ მესი, კრიშტიანუ რონალდუ, ვირჯილ ვან დაიკი; დანი ალვესი (ბრაზილია) - ლიონელ მესი, სადიო მანე, ვირჯილ ვან დაიკი; გარი მედელი (ჩილე) - ლიონელ მესი, კრიშტიანუ რონალდუ, ვირჯილ ვან დაიკი; რადამელ ფალკაო (კოლუმბია) - კრიშტიანუ რონალდუ, ლიონელ მესი, ვირჯილ ვან დაიკი; ლუკა მოდრიჩი (ხორვატია) - კრიშტიანუ რონალდუ, ედენ აზარი, ლიონელ მესი; ჰარი კეინი (ინგლისი) - ლიონელ მესი, ვირჯილ ვან დაიკი, კრიშტიანუ რონალდუ; უგო ლორისი (საფრანგეთი) - ლიონელ მესი, კრიშტიანუ რონალდუ, კილიან მბაპე; პიერ ემერიკ ობამეიანგი (გაბონი) - კრიშტიანუ რონალდუ, ედენ აზარი, ლიონელ მესი; მანუელ ნოიერი (გერმანია) - ვირჯილ ვან დაიკი, სადიო მანე, ედენ აზარი; რობერტ ლევანდოვსკი (პოლონეთი) - ვირჯილ ვან დაიკი, სადიო მანე, ფრენკი დე იონგი; სერხიო რამოსი (ესპანეთი) - ედენ აზარი, კრიშტიანუ რონალდუ, მოჰამედ სალაჰი; დიეგო გოდინი (ურუგვაი) - ლიონელ მესი, სადიო მანე, ვირჯილ ვან დაიკი.
ამ სიახლეზე კომენტარები გათიშულია.
კომენტარები [ 22 ]