რა სჭირს დაცვას?!
სეზონის დასაწყისი "ბარსელონასთვის" ნამდვილად მოულოდნელი გამოდგა. ლა ლიგის 5 შეხვედრიდან კატალონიელებმა 2 დათმეს და ჯამში 7 ქულა მოაგროვეს, რაც ბოლო 25 წლის განმავლობაში ყველაზე ცუდი შედეგია. მოულოდნელი არ იქნება, თუ ვიტყვით, რომ არსებულ ვითარებაში თავისი წვლილი გუნდის დაცვასაც აქვს.
5 შეხვედრაში გაშვებული 9 გოლით "ბარსელონა" ლა ლიგის "ლიდერია" აღნიშნული კომპონენტის მიხედვით. ეს კი სახარბიელო ნამდვილად არ არის. "გრანადასთან" სწრაფი გოლი ჟუნიორ ფირპოს შეცდომას მოჰყვა, მეორე კი არტურო ვიდალის აშკარა ხელით თამაშის შემდეგ გატანილ პენალტს.
ჟორდი ალბას ტრავმით ჟუნიორ ფირპოს შანსი მიეცა პირველ გუნდთან თამაშით თავი გამოეჩინა, თუმცა მოედანზე საპირისპირო მოხდა. მეტიც, ვალვერდემ ესპანელი მეორე ნახევარში მოედნიდან გაიყვანა.
სეზონის უცნაური დასაწყისი ყველაზე მეტად უკანა ხაზს ემჩნევა. "ბარსელონა" ტრადიციულად კარგი დაცვით გამოირჩეოდა, როგორც საშინაო, ისე ევროპულ ტურნირებში. ახლა კი პირიქითაა. კლუბის სამწვრთნელო შტაბმა უნდა იზრუნოს არსებული პრობლემის მოგვარებაზე, თუკი მათ "ბლაუგრანაში" მუშაოების გაგრძელება სურთ.
ამ სიახლეზე კომენტარები გათიშულია.
კომენტარები [ 23 ]