"ბარსელონას" საკალათბურთო გუნდი ესპანეთის სუპერ თასის ფინალშია
ქალთა გუნდისა და "ბარსა ბ"-ს შემდეგ, დღევანდელ დღეს თავისი მატჩი "ბარსელონას" საკალათბურთო გუნდმაც მოიგო.
კატალონიელები, ესპანეთის სუპერ თასის 1/2-ფინალში, "ვალენსიას" მასპინძლობდნენ. მადრიდში გამართული შეხვედრის 3 მეოთხედის შემდეგ ანგარიში თანაბარი იყო, დასკვნით მეოთხედში კი "ბარსა" 6-ქულიანი უპირატესობით იმარჯვა და საბოლოო ჯამში მეტოქეს ანგარიშით 71-65 აჯობა.
მეორე ნახევარფინალური შეხვედრა, რომელშიც ერთმანეთს "რეალი" და "ფუენლაბრადა" დაუპირისპირდებიან, დღეს, 23:00 საათზე გაიმართება. ამ გუნდებს შორის უფრო ძლიერი ხვალ, 22 სექტემბერს, თბილისის დროით 21:00 საათზე, ფინალში "ბარსელონას" დაუპირისპირდება.
ამ წუთებში მიმდინარეობს ხელბურთის ჩემპიონთა ლიგის შეხვედრა, რომელშიც "ბარსა" "ცელეს" მასპინძლობს. კატალონიელები გამოკვეთილი ფავორიტები არიან და დამაჯერებლადაც იგებენ.
დღესვე, 23:00 საათზე, "ბარსელონას" ფეხბურთის პირველი გუნდი "გრანადას" დაუპირისპირდება და იმედი გვაქვს, გამარჯვებას ისიც მოიპოვებს.
"ბარსელონას" ყველა გუნდის თამაშის პირდაპირ ეთერში ყურება ვებგვერდზე barcamania.live შეგიძლიათ.
ამ სიახლეზე კომენტარები გათიშულია.
კომენტარები [ 0 ]