დე იონგი: თუ ცუდად ვთამაშობ, ჩემი ბრალია და არა პოზიციის
ფრენკი დე იონგი "აიაქსში" საყრდენი ნახევარმცველის პოზიციაზე თამაშობდა, თუმცა მას შემდეგ, რაც ჰოლანდიელი "ბარსელონაში" გადმოვიდა, ერნესტო ვალვერდე 22 წლის მოთამაშეს მისთვის უჩვეულო პოზიციაზე იყენებს. ამაზე კომენტარი თავად ფეხბურთელმა გააკეთა.
"ეს მარტივი პოზიციაა და შემდეგ მატჩებში უკეთესად ვითამაშებ. ადაპტაცია უნდა გავიარო. საფეხბურთო საკითხებზე ვალვერდეს უკვე ვესაუბრე, ვიდეოებსაც ვუყურეთ. მწვრთნელმა არ უნდა მკითხოს, სად მინდა თამაში. ეს მან უნდა გადაწყვიტოს."
"აიაქსსა" და ჰოლანდიის ნაკრებში ცენტრში ვთამაშობდი, მაგრამ ეს შემთხვევები ერთმანეთისგან განსხვავდება, რადგან ჩვენ ორ საყრდენ ნახევარმცველს ვიყენებდით."
"ბეტისისა" და "ოსასუნას" წინააღმდეგ ცენტრიდან მოშორებით ვითამაშე და თუ ეს არ გამომივიდა, ჩემი ბრალია. ხალხი ჩემს პოზიციაზე კამათობს, ეს სიგიჟეა."
"ყოველთვის ნახევარმცველად ვთამაშობდი. ეს პოზიცია მომწონს, რადგან ბურთს ხშირად ეხები, ხოლო თუ ბურთს ხშირად ეხები, თამაშს აკონტროლებ."
"ამ პოზიციაზე მთელი ცხოვრებაა ვთამაშობ, თუმცა ერთხელ თავდამსხმელადაც მითამაშია."
"ასევე, "აიაქსში", სამი წლის წინ, დაცვაში ვთამაშობდი, თუმცა მინდა ნახევარმცველი ვიყო." - ციტირებს ფრენკი დე იონგის სიტყვებს El Periodico.
ამ სიახლეზე კომენტარები გათიშულია.
კომენტარები [ 6 ]