23 წელი ინიესტას ლა მასიაში მისვლიდან...

როგორც ჩანს, ნოსტალგია ჯერ კიდევ არ არსვენებს ანდრესს, განსაკუთრებით მაშინ, როდესაც იგი ნამდვილი სახლიდან ძალიან შორსაა.

35 წლის ფეხბურთელმა ლა მასიას დაუვიწყარი მომენტები გაიხსენა. 23 წელი გავიდა მას შემდეგ, რაც ფეხბურთელი "ბარსას" აკადემიას შეურთდა.

"23 წლის წინ, ამ დღემ ჩემი ცხოვრება შეცვალა." - დაწერა ფეხბურთელმა Twitter-ის ოფიციალურ გვერდზე.

Un día como hoy, hace 23 años, cambió mi vida @fcbarcelona #LaMasia pic.twitter.com/gaEjSCqQPl

— Andrés Iniesta (@andresiniesta8) September 17, 2019

ანდრეს ინიესტამ "ბარსელონას" პირველ გუნდში 17 წელი გაატარა და 32 ტიტული მოიგო. მის ანგარიშზე 4 ჩემპიონთა ლიგის და ლა ლიგის 9 თასია. ამ დროის განმავლობაში მან ყველა ტურნირზე 674 შეხვედრა ჩაატარა და 57 გოლი გაიტანა. ინიესტას მთელი მისი წარმოუდგენელი კარიერის მანძილზე 1 წითელი ბარათიც კი არ მიუღია.