ვინ აუშვა ძაღლები? წარმოგიდგენთ "ბარსას" 6 ფეხბურთელის გაქურდულ სახლს
პორტალი Tribuna საინტერესო სტატიას გვთავაზობს "ბარსას" იმ 6 ფეხბურთელზე, რომელთა სახლებიც მატჩების დროს გაქურდეს.
1) ფილიპე კოუტინიო (2018 წლის თებერვალი)
2018 წლის 20 თებერვალი, სავარაუდოდ, ფილიპესთვის ყველაზე საშინელი დღე იყო. მას შემდეგ, რაც კოუტინიოს ავტომობილი ცუდი პარკინგის გამო ევაკუატორით წაიყვანეს, სახლში მისულმა ნახა, რომ გაქურდეს. კოუტინიოს ვილა ლუის სუარესისა და მესისგან არც თუ ისე შორს იყო.
2) ჟერარ პიკე (2018 წლის ივნისი)
ქურდების დაჯგუფება ჟერარისა და შაკირას სახლში 2018 წლის ივნისში შეიჭრა. ეს იმ დროს მოხდა, როცა ესპანელი მსოფლიო ჩემპიონატისთვის ემზადებოდა, ხოლო შაკირა გერმანიაში მოგზაურობდა.
ქურდებმა საათები და ძვირფასეულობა წაიღეს ისე, რომ სახლისთვის ზიანი არ მიუყენებიათ.
3) ჟორდი ალბა (2018 წლის ნოემბერი)
ორი ქურდი შენობაში უკანა ეზოდან, ფანჯრიდან შევიდა. სახლში ოჯახი იმყოფებოდა, რაც ჟორდის ისტორიას უფრო საშიშს ხდის.
4) კევინ-პრინს ბოატენგი (2019 წლის თებერვალი)
ქურდები შენობაში იმ დროს შევიდნენ, როდესაც ფეხბურთელი სახლში არ იმყოფებოდა. "ბარსელონა" "ვალიადოლის" უპირისპირდებოდა. იმ მატჩში ბოატენგმა "ბარსას" მაისურით, ლა ლიგაში, პირველად ითამაშა. ცნობილია, რომ ბოატენგმა ძვირფასეულობა და დაახლოებით 300,000-400,000 ევრო დაკარგა.
5) არტურ მელო (2019 წლის მაისი)
არტურ მელო ჩემპიონთა ლიგის პირველ რაუნდში "ბარსელონას" მოგებას აღნიშნავდა "ლივერპულის წინააღმდეგ, მაგრამ სახლში დაბრუნებულმა მან შოკი მიიღო. ბრაზილიელის სახლი თამაშის ღამეს გაძარცვეს.
ისტორიას უფრო ის ამძაფრებს, რომ ფეხბურთელის ძმას სიკვდილით ემუქრებოდნენ. ქურდებს სახრახნისი ეჭირათ ხორხთან, მაშინ როდესაც ფულსა და ძვირფასეულობას ეძებდნენ. საბოლოოდ ძვირფასეულობა და "როლექსის" ფირმის საათი წაიღეს.
6) სამუელ უმტიტი (2019 წლის სექტემბერი)
სამულის სახლი "ბარსელონა" - "ვალენსიას" მატჩის დროს გაქურდეს. მცველი თამაშს ტრიბუნებიდან უყურებდა მაშინ, როცა კრიმინალებმა სეიფიდან ყველანაირი ძვირფასეულობა წაიღეს.
25 წლის ფეხბურთელი ბარსელონასთან ახლოს, ესპლუგეს დე ლობრეგატში ცხოვრობს. მეზობლებმა პოლიცია გამოიძახეს მაშინ, როდესაც შეამჩნიეს, რომ კარები ფართოდ იყო გაღებული. კაპიშონში გადაცმული 4 მამაკაცი უმტიტის სახლში შეიჭრა, თუმცა მათი იდენტიფიცირება ვერ მოხერხდა.
ამ სიახლეზე კომენტარები გათიშულია.
კომენტარები [ 9 ]