ანსუ ფატი, შესაძლოა, "ბარსას" ერთი თვით გამოაკლდეს
"ბარსელონას" 16 წლის ამომავალი ვარსკვლავი ანსუ ფატი, შესაძლოა, კატალონიურ კლუბს 1 თვის განმავლობაში ვერ დაეხმაროს. ამის მიზეზი არა ტრავმა, არამედ მსოფლიოს 17-წლამდელთა ჩემპიონატია.
26 ოქტომბრიდან 17 ნოემბრის ჩათვლით, ბრაზილიაში, მსოფლიოს 17-წლამდელთა ჩემპიონატი გაიმართება, რომელში მონაწილეობას ესპანეთიც მიიღებს.
ესპანეთის ფეხბურთის ფედერაციას დიდი სურვილი აქვს, ჩემპიონატის დაწყებამდე ანსუ ფატისთვის მოქალაქეობის მინიჭების საკითხი მოგვარდეს და 16 წლის ფეხბურთელი ბრაზილიაში გაემგზავროს. თუ ასე მოხდა, გვინეა-ბისაუელი ფეხბურთელი "ბარსას" დაახლოებით ერთი თვის განმავლობაში ვერ დაეხმარება. ის ვერც 27 ოქტომბერს გასამართი "ელ კლასიკოს" განაცხადში მოხვდება.
თანამედროვე ფეხბურთში ასეთი პრობლემა უცხოა, რადგან 17-წლამდელი ფეხბურთელები პირველ გუნდებში ძალიან იშვიათად თამაშობენ.
ამ სიახლეზე კომენტარები გათიშულია.
კომენტარები [ 7 ]