5 მიზეზი, რის გამოც „ბარსამ“ ფსონი ფატიზე უნდა გააკეთოს და არა ნეიმარზე
Marca წარმოგვიდგენს 5 ძირითად მიზეზს, რის გამოც ამომავალი ვარსკვლავის, ანსუ ფატის გამო "ბარსელონა" ნეიმარის გაფორმებაზე მუშაობას უნდა შეეშვას.
1. ბრაზილიელის ფასი
"ბარსელონას" ყოფილი ფორვარდის დასაბრუნებლად ბევრი ფინანსური რესურსის გაღება მოუწევს მაშინ, როცა აკადემიის "პროდუქტი" შესანიშნავ თამაშს აჩვენებს და გუნდს გამარჯვების მოპოვებაში ეხმარება.
2. ფატი ფავორიტია
ეჭვგარეშეა, რომ ლა ლიგის გასულ 3 შეხვედრაში ნაჩვენებმა თამაშმა ფატის საყოველთაო პოპულარობა მოუტანა. მას შემდეგ, რაც ანსუ ქომაგთა რჩეული გახდა, ნეიმარის გაფორმება მათთვის მისაღები ნაბიჯი შეიძლება არ აღმოჩნდეს.
3. მესის ფაქტორი
"ბეტისთან" დებიუტის შემდეგ გავრცელდა ფოტო, სადაც ლეო მესი და ანსუ ფატი ერთმანეთს ეხუტებიან. ეს ყველაფერი იმაზე მიუთითებს, რომ არგენტინელი ახალგაზრდა მოთამაშეს მხარს უჭერს.
4. ნეიმარის ტრანსფერი ფატის მდგომარეობას გაართულებს
ბრაზილიელის "ბარსელონაში" დაბრუნება ფატის არასასურველ მდგომარეობაში ჩააგდებს. ძირითად შემადგენლობაში ადგილის მოპოვებისთვის ბრძოლა კიდევ უფრო გართულდება და ამან, შესაძლოა, ანსუ წასვლაზე დააფიქროს.
5. "ლა მასიას" კიდევ ერთი გამარჯვება
ხანგრძლივი კრიტიკის შემდეგ ვხედავთ, რომ "ლა მასიას" სამზარეულოში ყველაფერი რიგზეა. ფატის წარმატება აკადემიის პრესტიჟზე დადებითად იმოქმედებს.
ამ სიახლეზე კომენტარები გათიშულია.
კომენტარები [ 10 ]