ერნესტო ვალვერდეს პასუხგაუცემელი კითხვები
სატრანსფერო ფანჯრის დასრულების შემდეგ ერნესტო ვალვერდეს განკარგულებაში უკვე ჩამოყალიბდა გუნდი, რომელიც მინიმუმ ინავრამდე უცვლელი სახით იქნება. "ბარსელონას" თავკაცის წინაშე მრავალი საკითხია, რომლებიც გადაჭრას მოითხოვს. გამოცემა Sport-ზე დაყრდნობით წარმოგიდგენთ ხუთ ძირითად მათგანს.
1. შეუძლია სემედეუს ძირთადი მარჯვენა მცველი იყოს?
"ოსასუნას" წინააღმდეგ ერნესტო ვალვერდემ ნელსონ სემედუ შეცვალა და მარჯვენა ფლანგზე სერჟი რობერტომ გადაინაცვლა. პრესეზონზე ესპანელი მოედნის ცენტრში, თავის ბუნებრივ პოზიციაზე, მოქმედებდა, ხოლო პორტუგალიელს ვალვერდემ სრული ნდობა გამოუცხადა ფლანგზე. საინტერესოა, როგორ მოიქცევა "ბარსელონას" თავკაცი სხვა თამაშებში.
2. 7 ნახევარმცველი, 3 ადგილი და... კარლეს ალენია
ნახევარმცველთა დილემა კვლავ რჩება ვალვერდეს მთავარ თავის ტკივილად. თუკი პრესეზონზე მის განკარგულებაში ამ პოზიციის 10 მოთამაშე იყო, ახლა რაოდენობა შვიდამდე შემცირდა. თუმცაღა მაინც საკმარისზე მეტია. ფრენკ დე იონგი და სერხიო ბუსკეტსი უდავოდ ძირითადის ფეხბურთელებად მოიაზრებიან, დარჩენილ ერთ ადგილზე კი ხუთი კანდიდატურაა. ყურადღებას იმსახურებს კარლეს ალენია, რომელმაც "ბილბაოსთან" ძირითადში დაიწყო, მაგრამ შემდეგ არ უთამაშია. დიდხანს მოუხდა სათადარიგო სკამზე ჯდომა ივან რაკიტჩსაც. აქვე არ უნდა გამოგვრჩეს არტურ მელო, რომელმაც "ოსასუნას" წინააღმდეგ არაჩვეულებრივი გოლი გაიტანა. ასევე, ჩილელი არტურო ვიდალი, რომელსაც გასულ სეზონში ვალვერდე ნდობას უცხადებდა.
3. რა სჭირს ივან რაკიტიჩს?
რაკიტიჩი დარჩა! მიუხედავად იმისა, რომ მის მომავალს მრავალ კლუბს უკავშირებდნენ, ვალვერდეს საყვარელი ნახევარმცველი კვლავ "ბარსელონელია". მას ლა ლიგის ბოლო ორ მატჩში საერთოდ არ მიუღია მონაწილეობა. ეს სატრანსფერო ფანჯრის გამო იყო, მაგრამ ახლა?.. მწვრთნელისთვის ის საკვანძო მოთამაშეა და შესაძლოა ხორვატი კვლავ დაუბრუნდეს სასტარტო შემადგენლობას.
4. სად ითამაშებს გრიზმანი მესის დაბრუნების შემდეგ?
სეზონის პირველ სამ კვრიაში გრიზმანი შეტევის ხაზში აბსოლუტურად თავისუფალი იყო და ლიდერობდა კიდეც გუნდის შეტევებს. მესისა და სუარესის დაბრუნების შემდეგ იგი მარცხნივ გადაინაცვლებს, პოზიციაზე, რომელზეც თამაშობდა, თუმცა არა ხშირად. მას მეტად მოუწევს მუშაობა, როგორც სიმეონეს დროს იყო და ნაკლებად შეტევა. ყველა მოუთმენლად ელის "ბარსელონას" შემტევ ტრიოს.
5. დემბელე - მეოთხე ფორვარდი?
დემბელეს ნეიმარის ტრანსფერში უნდა მიეღო მონაწილეობა და პსჟ-ში გადასულიყო, თუმცა შეთანხმება არ შედგა. ახლა ფრანგი ვერ თამაშობს, თუმცა გამოჯანმრთელების შემდეგ იგი მეოთხე ფორვარდი იქნება მესის, გრიზმანისა და სუარესის ტრიოსთან ერთად. ანსუ ფატისა და კარლეს პერესის არაჩვეულებრივი თამაშის ფონზე კი დემბელეს გარანტია არ აქვს, რომ იგი იქნება მწვრთნელის სათადარიგო არჩევანი. ფრანგის ტრავმიანობის ჟამს კი ახალგაზრდებს თავის წარმოჩენის შანსი ეძლევათ.
ამ სიახლეზე კომენტარები გათიშულია.
კომენტარები [ 8 ]