დე ბური ვალვერდეს აკრიტიკებს: დე იონგი გარემარბი არაა
ფრენკი დე იონგი "ბარსელონაში" თავს ბოლომდე კომფორტულად არ გრძნობს, რის გამოც მას თავისი საუკეთესო თამაში ჯერ არ უჩვენებია. ამის ერთ-ერთ მიზეზად ერნესტო ვალვერდეს ტაქტიკა ითვლება. ესპანელმა სპეციალისტმა ჰოლანდიელი ნახევარმცველი სამ სხვადასხვა პოზიციაზე მოსინჯა.
რონალდ დე ბურმა განაცხადა, რომ "ბლაუგრანას" მთავარი მწვრთნელი დე იონგის შესაძლებლობებს ვერ აღიქვამს: "ბარსელონას" ბოლო შეხვედრებში ფრენკი თითქმის ფლანგზე თამაშობდა. ეს მისი პოზიცია არ არის. დე იონგს მოედნის ცენტრი ან საყრდენი წერტილი უნდა ეკავოს.
ფრენკისა და ბუსკეტსის სტილი ერთმანეთისგან განსხვავდება. თანაგუნდელებმა აუცილებლად უნდა სცადონ დე იონგთან შეთამაშება და თავის მხრივ, ჰოლანდიელიც უნდა მოერგოს კოლექტივს.
ფრენკის აქვს ტალანტი, რომელიც საფეხბურთო სამყაროს დიდი ხანია არ უნახავს. დარწმუნებული ვარ, რომ მისი "ბარსელონური" თავგადასავალი წარმატებით დასრულდება. არ ვიცი რა მოხდება მომავალში, თუმცა დე იონგს მოთმინება მართებს. "ბლაუგრანას" ფილოსოფია მისთვის ახალი არ არის."-ციტირებს დე ბურის სიტყვებს Diario AS.
ტეგები
მსგავსი სიახლეები
გაწევრიანდი "ბარსელონას" გულშემატკივრების Facebook ჯგუფში
ინფორმაცია
ამ სიახლეზე კომენტარები გათიშულია.
ამ სიახლეზე კომენტარები გათიშულია.
კომენტარები [ 6 ]