ევრა: ნეიმარი "ბარსელონაში" დაბრუნდება და გახდება მოთამაშე, რომელიც ყოველთვის იყო
ლეგენდარულმა ფრანგმა მარცხენა მცველმა, პატრის ევრამ "პარი სენ-ჟერმენის" ბრაზილიელ შემტევზე, ნეიმარზე ისაუბრა, რომელიც თავის ყოფილ კლუბში, "ბარსელონაში" დაბრუნებასთან ახლოსაა.
"ვფიქრობ, რომ არის ბევრი ხალხი, რომლებსაც ის არ მოსწონთ. პრობლემა იმაში მდგომარეობს, რომ როცა საკუთარი თავი ხარ, ხალხს სძულხარ, ხოლო როცა იტყუები, მაშინ უყვარხარ.
ნეიმარს ხშირად ვესაუბრები და მინდა, რომ ღმერთმა მისი გეგმები განახორციელოს. ნეიმარს ისე ექცევიან, თითქოს მან ვინმე მოკლა. ეს ის შემთხვევა არაა.
შეხედეთ, ხალხს ნეიმარი ენატრება, მისი გენიალურობისა და თამაშის მანერის გამო. ფეხბურთელი უნდა გრძნობდეს, რომ ის უყვართ. როდესაც ძალიან დიდ ნეგატივს გრძნობ, უნდა წახვიდე. გარკვეული ხალხი და, შესაძლოა, მედიაც კი, ამით სარგებლობს. ისინი მას იმის გამო აკრიტიკებენ, რომ თამაშის დროს ის ძალიან ბევრს ყვინთავს. ეს ხალხი მის ირგვლივ მთელ ნეგატივს ჰქმნის. მაგრამ ნეიმარი კარგი ბიჭია, რომელმაც პსჟ-ს ბევრი მისცა.
როცა ნეიმარმა ჩემპიონთა ლიგაზე თამაში ვერ შეძლო, პარიზელები შემდეგ ეტაპზე ვერ გავიდნენ. პსჟ-სთვის მისი წასვლა მნიშვნელოვანი პრობლემა იქნება.
არ ვიცი, შეძლებენ თუ არა ისინი ბრაზილიელის შენარჩუნებას, მაგრამ თუ ვერა, ისინი დიდებულ მოთამაშეს დაკარგავენ. მაშინ ნეიმარი "ბარსელონაში" დაბრუნდება და გახდება მოთამაშე, რომელიც ყოველთვის იყო." - განაცხადა ევრამ.
ამ სიახლეზე კომენტარები გათიშულია.
კომენტარები [ 11 ]