გრიზმანი ლა ლიგის ახალი სეზონის მოლოდინში
ახალი სეზონი, განახლებული შემადგენლობა და შემტევი სამეული, რომელიც მზადაა "ატლეტიკთან" სეზონის პირველი შეხვედრა გამართოს.
მატჩი გრიზანისთვისაც მნიშვნელოვანია იქნება, ვინაიდან ფრანგი ლა ლიგის სეზონს ახალ გუნდში ხვდება და "სან მამესზე" კარგად ნაცნობ მეტოქეს დაუპირისპირდება.
ლიონელ მესის არყოფნაში ერნესტო ვალვერდემ შემტევ სამეულში სუარესთან და დემბელესთან ერთად გრიზმანს დააყენებს. ამერიკულმა ტურნემ აჩვენა, რომ ზემოხსენებული ფეხბურთელები შეთანხმებულად მოქმედებდნენ და მეტოქეს სერიოზულ საფრთხეს უქმნიდნენ. აღსანიშნავია, რომ ანტუანმა პრესეზონი კარგად ჩაატარა და, შეიძლება ითქვას, გუნდთან ადაპტაციის პროცესიც წარმატებით მიმდინარეობს.
გრიზმანმა "სან მამესზე" ბოლო 8 გამართულ შეხვედრაში 5 გოლი გაიტანა. ერნესტო ვალვერდეს კარგად ემახსოვრება გრიზმანის მასტერ კლასი, ვინაიდან ესპანელი სწორედ ბასკურ გუდს თავკაცობდა, როცა ფრანგმა "ატლეტიკოს" მაისურით ჰეთ თრიქი შეასრულა.
საინტერესოა შეძლებს თუ არა გრიზმანი "ატლეტიკისთვის" "ბარსელონას" მაისურით გოლის გატანას.
ამ სიახლეზე კომენტარები გათიშულია.
კომენტარები [ 8 ]