წამზომი ჩართულია - "ტოტენჰემი", "იუნაიტედი" თუ "არსენალი"?
ინგლისში სატრანსფერო ფანჯარა ხვალ, თბილისის დროით 21:00 საათზე იხურება და ჯერ კიდევ არაა გარკვეული, რომელ ბრიტანულ კლუბში გააგრძელებს კარიერას ფილიპე კოუტინიო. ან, გადავა თუ არა ის საერთოდ ნისლიან ალბიონზე.
ბოლო დღეებში გავრცელებული ინფორმაციით, ბრაზილიელის "არსენალში" იჯარით გადასვლა თითქმის გადაწყვეტილი იყო, მაგრამ უკანასკნელი ცნობებით "მეთოფეების" ვარიანტი თითქმის გამოირიცხა.
Sport-ის ცნობით, 27 წლის ფეხბურთელისთვის ბრძოლაში ფავორიტი "ტოტენჰემია", თუმცა ტრანსფერი იმაზეა დამოკიდებული, დატოვებს თუ არა ლონდონურ კლუბს კრისტიან ერიკსენი.
კოუტინიოს აგენტის მიერ გაკეთებული განცხადების მიუხედავად, Sport არც "მანჩესტერ იუნაიტედის" ვარიანტს გამორიცხავს. იმ შემთხვევაში, თუ ერიკსენი "ტოტენჰემში" დარჩა, ბრაზილიელისთვის ბრძოლაში ფავორიტებად "წითელი ეშმაკები" იქცევიან.
ამ სიახლეზე კომენტარები გათიშულია.
კომენტარები [ 7 ]