ვალვერდეს ოთხი ამოცანა ამერიკულ ტურნეზე
"ბარსელონა" პრესეზონის ბოლო ეტაპზეა. კლუბი ამერიკულ ტურნეში გაემგზავრება და მაიამისა და დეტროიტში "ნაპოლის" 2-ჯერ დაუპირისპირდება. ერნესტო ვალვერდეს სრული შემადგენლობა ჰყავს, გარდა ტრავმირებული ლიონელ მესისა, რომელიც ოკეანის გადაღმა შეხვედრაში მონაწილეობას ვერ მიიღებს.
Marca-მ ჩამოაყალიბა ის 4 მნიშვნელოვანი საკითხი, რომლებიც ვალვერდეს წინაშე დგას.
შეტევის ორგანიზება
ვალვერდემ უნდა იპოვოს გზა, რომლის საშუალებითაც მესი, სუარესი და გრიზმანი მოედანზე ერთად ითამაშებენ. მესი ტრიოს ერთადერთი უცვლელი წევრია, თუმცა იგი ტურნეში მონაწილეობას ვერ მიიღებს. თავის მხრივ, უსმან დემბელეც ეცდება სამეულის წევრი გახდეს.
ნახევარმცველთა შერჩევა
ვალვერდემ თავად აღნიშნა, რომ ამ პოზიციაზე ძალიან მაღალი კონკურენციაა. ფრენკი დე იონგმა დაამტკიცა, რომ ძირითადს იმსახურებს. რაც შეეხება სხვა მოთამაშეებს, მწვრთნელმა გადაწყვეტილება უნდა მიიღოს.
დაცვითი ალტერნატივები
ჟუნიორ ფირპოს მოსვლამ ვალვერდეს მცველის პოზიციაზე არჩევანის გაკეთების საშუალება მისცა. "ბლაუგრანას" თავკაცმა საბოლოოდ უნდა ჩამოაყალიბოს ოთხეული, რომელიც შტეგენის წინ განლაგდება. ამერიკულ ტურნეზე კი ამ კუთხით მცველებისთვის დროის სწორი განაწილება მთავარი იქნება.
ახალგაზრდებისთვის შანსის მიცემა
ახალგაზრდა ფეხბურთელთათვის ძალზე რთულია პირველ გუნდში ადგილის დამკვიდრება და შესაბამისი ხარისხით თამაში, თუმცა რიკი პუჩმა და კარლეს პერესმა ყველა გააოცეს.
ვალვერდემ იცის, რომ ამ ყველაფერზე უნდა იფიქროს.
ამ სიახლეზე კომენტარები გათიშულია.
კომენტარები [ 10 ]