"ბარსელონამ" ლუის სუარესის რეზერვისტის პრობლემა გადაჭრა
"ბარსელონამ" გადაწყვიტა, რომ მიმდინარე ზაფხულში არცერთი ცენტრალური თავდამსხმელი არ შეიძინოს და "ბარსა ბ"-დან აბელ რუისი დააწინაუროს, რომელიც ლუის სუარესის დუბლიორის როლს შეითავსებს. ამ ინფორმაციას Mundo Deportivo ავრცელებს.
აბელ რუისი ცოტა ხნის წინ ესპანეთის 19-წლამდელთა ნაკრებთან ერთად ევროპის ჩემპიონი გახდა. კატალონიური წყაროს ცნობით, "ბარსელონა" რუისის კარგი თამაშით მოიხიბლა და მისი პირველ გუნდში დაწინაურება გადაწყვიტა.
19 წლის შემტევი მცირე შვებულებიდან 5 დღეში დაბრუნდება და ახალი სეზონისთვის მზადებას, სავარაუდოდ, პირველ გუნდთან ერთად შეუდგება.
"ბლაუგრანამ" გასულ სეზონში სუარესის რეზერვისტად კევინ პრინს-ბოატენგი შეიძინა, მაგრამ ის ურუგვაელ შემტევს ფიზიკური დატვირთვის შემსუბუქებაში ვერ დაეხმარა. კლუბს ასეთი შეცდომის დაშვება აღარ სურს და იმედებს სარეზერვო გუნდის ფეხბურთელზე ამყარებს.
ამ სიახლეზე კომენტარები გათიშულია.
კომენტარები [ 9 ]