"ბილბაოსთან" მატჩის თარიღი და დრო შეიცვალა

ესპანეთის ჩემპიონატის 2019/20 წლების სეზონი 3 კვირაში იწყება, თუმცა ლა ლიგის წარმომადგენლებსა და ესპანეთის ფეხბურთის ფედერაციას (RFEF) შორის მომხდარმა კონფლიქტმა რამდენიმე საკითხზე, მათ შორის, "ბარსელონას" პირველი თამაშის თარიღსა და დროზე გავლენა მოახდინა.

დაანონსებული იყო, რომ "ბარსა" "ბილბაოსთან" ლა ლიგის პირველ თამაშს 16 აგვისტოს, 23:00 საათზე გამართავდა, თუმცა დღეს შეხვედრის თარიღი და დრო შეიცვალა. ამის მიზეზი ისაა, რომ ფეხბურთის ფედერაცია ესპანეთის ლიგაში მატჩების მხოლოდ შაბათსა და კვირას ჩატარებას ითხოვს, რაც ორშაბათი და პარასკევი სათამაშო დღეების გაუქმებას ნიშნავს.

სწორედ ამიტომ "ბარსელონა" "ბილბაოსთან" ლა ლიგის ახალი სეზონის პირველ შეხვედრას შაბათს, 17 აგვისტოს, თბილისის დროით 22 საათსა და 45 წუთზე გამართავს. ამ ინფორმაციას კატალონიური კლუბი და ესპანეთის ფეხბურთის ფედერაცია ოფიცალურად ადასტურებენ.

ცნობილია, რომ ლა ლიგის წარმომადგენლები თავიანთი პოზიციის დაცვასა და ორშაბათი და პარასკევი სათამაშო დღეების შენარჩუნებას აპირებენ. ისინი ფეხბურთის ფედერაციას უკანონო "შეტევაში" ადანაშაულებენ.