დანი ალვესის პრიორიტეტი "ბარსელონაში" დაბრუნებაა

Sky Sports-ის მიერ გავრცელებული ინფორმაციით, 36 წლის ბრაზილიელი მარჯვენა მცველი დანი ალვესი "ბარსელონაში" დაბრუნების იმედს არ კარგავს.

წყაროს ცნობით, ვეტერანი ფეხბურთელის პრიორიტეტი კარიერის კატალონიურ კლუბში გაგრძელებაა, მაგრამ "ბლაუგრანას" პოზიციის გათვალისწინებით, ამის შანსები ნაკლებია და ალვესისთვის ბრძოლაში ფავორიტად "მანჩესტერ სიტი" ითვლება.

დანი ალვესი "ბარსელონაში" 2008-2016 წლებში თამაშობდა. კატალონიური გუნდის მაისურით მან 391 შეხვედრა ჩაატარა, 21 გოლი გაიტანა და 23 ტიტული მოიგო.

2016 წელს ალვესი "იუვენტუსში" გადავიდა, ერთი წლის შემდეგ კი პსჟ-ს მიაშურა, რომელიც მიმდინარე ზაფხულში დატოვა. ამჟამად ალვესი უგუნდოდაა.