აზიური ტურნეს განაცხადი ცნობილია
რამდენიმე წუთის წინ ცნობილი გახდა იმ ფეხბურთელების ვინაობა, ვინც "ბარსელონას" აზიურ ტურნეზე გაჰყვება.
ერნესტო ვალვერდემ განაცხადში პირველი გუნდის 17 ფეხბურთელი შეიყვანა. სულ განაცხადი 26-კაციანია.
პირველი გუნდიდან განაცხადში მოხვდნენ: ტერ შტეგენი, ნეტუ, სემედუ, პიკე, რაკიტიჩი, ბუსკეტსი, ტოდიბო, დემბელე, რაფინია, მალკომი, ლანგლე, გრიზმანი, ალბა, ალენია, ს. რობერტო, ფრენკი დე იონგი და უმტიტი. მათ "ბარსა ბ"-დან დაემატნენ ინიაკი პენია, გულემი, არაუხო, ორიოლ ბუსკეტსი, მონჩუ, კოლიადო, რიკი პუჩი, ჰიროკი აბე და პერესი.
ფეხბურთელებს, რომლებმაც მონაწილეობა კოპა ამერიკაზე მიიღეს, ვარჯიში ჯერ არ განუახლებიათ და ისინი არც იაპონიაში გაემგზავრებიან.
"ბარსელონა" იაპონიაში ორ ამხანაგურ შეხვედრას გამართავს. 23 აგვისტოს, თბილისის დროით 14:30 საათზე, კატალონიელები "ჩელსის" დაუპირისპირდებიან, ხოლო 27 აგვისტოს, 14:00 საათზე, ანდრეს ინიესტას "ვისტელ კობეს".
ამ სიახლეზე კომენტარები გათიშულია.
კომენტარები [ 13 ]