ვალვერდე იწყებს - 8 ვარჯიში 5 დღეში
"ბარსელონას" მთავარმა მწვრთნელმა, ერნესტო ვალვერდემ საკმაოდ ინტენსიური პირველი სავარჯიშო კვირა დაგეგმა, რომელიც შესვენებების გარეშე ჩაივლის, იტყობინება AS.
ვარჯიში 15 ივლისს განახლდება და მასში მონაწილეობას პირველი გუნდის 17 ფეხბურთელი მიიღებს, რომლებსაც 6 ახალგაზრდა მოთამაშე დაემატებათ. 23-ვე ფეხბურთელი შაბათს იაპონიაში გაემგზავრება. ამ დღეს ორი ვარჯიში იქნება 11:30 და 20:30 საათზე (თბილისის დროით). გუნდი ორმაგ სავარჯიშო სესიას (დილა-საღამო) ორშაბათს, ოთხშაბათსა და პარასკევს გამართავს, ხოლო სამშაბათსა და ხუთშაბათს ფეხბურთელები დილის ვარჯიშით შემოიფარგლებიან.
ვალვერდემ გადაწყვიტა, რომ პირველი კვირა შესვენების გარეშე ყოფილიყო, რათა მოთამაშეებს ფიზიკური კონდიციები აღედგინათ.
შაბათს, გუნდი ტოკიოში ჩაფრინდება და პირველ ამხანაგურ მატჩს გამართავს - "ჩელსისთან". ოთხი დღის შემდეგ, "ბარსელონა" ინიესტას "ვისელ კობეს" დაუპირისპირდება. ამის შემდეგ, ფეხბურთელები ბარსელონაში დაბურნდებიან, დაისვენებენ (29 და 30 ივლისს) და გამპერის თასისთვის მომზადებას დაიწყებენ (4 აგვისტოს, "არსენალის" წინააღმდეგ).
ამ ყველაფრის შემდეგ გუნდი აშშ-ში გაფრინდება, სადაც "ნაპოლის" ორჯერ დაუპირისპირდება. ამასობაში კი ლა ლიგაც დაიწყება...
ამ სიახლეზე კომენტარები გათიშულია.
კომენტარები [ 9 ]