ჟოზეპ მარია მინგელა: "ბარსელონას" ცუდად მართავენ
ყოფილმა საფეხბურთო აგენტმა, ჟოზეპ მარია მინგელამ, რომელიც "ბარსელონას" პრეზიდენტობის კანდიდატიც იყო, კატალონიურ კლუბზე ისაუბრა.
"კლუბში ცუდი მმართველობაა. ნეიმარის შეძენა დიდ მონდომებასა და ფულს მოითხოვს. მისი გაფორმების ერთადერთი გზა კოუტინიოსა და დემბელეს პსჟ-ში გაშვებაა, რათა ბრაზილიელის სატრანსფერო ღირებულება შემცირდეს."
"ჩვენ მეტი მოთამაშე უნდა დავიმატოთ და მწვრთნელიც უნდა შევიცვალოთ, რადგან ვალვერდე მის სქემაში ორ ფორვარდს იყენებს."
"მესი? ვნახოთ, როგორ დაბრუნდება ის. ლეო არგენტინაში ძალიან დაძაბული და არაპროდუქტიული იყო. ის მართალი იყო, როცა პროტესტი გამოხატა, მაგრამ მესი თამაშში ჩართული არ ყოფილა." - ციტირებს ჟოზეპ მარია მინგელას სიტყვებს Marca.
შეგახსენებთ, რომ ჟოზეპ მარია მინგელას სახელს "ბარსელონაში" დიეგო მარადონას, ხრისტო სტოიჩკოვისა და ლიონელ მესის გადმოსვლა უკავშირდება.
ამ სიახლეზე კომენტარები გათიშულია.
კომენტარები [ 7 ]