"ბარსელონა" აპირებს ჟუნიორის ტრანსფერში 2 ფეხბურთელი ჩართოს
როგორც ჩანს, "ბარსელონა" "ბეტისის" მარცხენა მცველის, ჟუნიორ ფირპოს შეძენით სერიოზულად დაინტერესდა.
კატალონიელებს სურთ ჟორდი ალბას რეზერვისტი მოიყვანონ, რომელიც ესპანელს კონკურენციას გაუწევს და თან მას დასვენების საშუალებას მისცემს ხოლმე.
ბოლო ცნობებით, "ბლაუგრანას" მთავარი სამიზნე "ბეტისის" 22 წლის ფეხბურთელია, რომლითაც მადრიდის "რეალი" და "მანჩესტერ სიტიც" არიან დაინტერესებულნი.
Sport-ის ინფორმაციით, "ბარსელონა" აპირებს ტრანსფერში რაფინია ალკანტარა და "ბარსა ბ"-ში მოთამაშე მარცხენა მცველი ხუან მირანდა ჩართოს.
იმავე წყაროს ცნობით, გასულ კვირაში, "ბეტისის" წარმომადგენლები ბარსელონაში იყვნენ ჩასულები და რაფინიასა და მირანდას საკითხის გარკვევას ცდილობდნენ.
გავრცელებული ინფორმაციით, გარიგების შანსს ისიც ზრდის, რომ "ბარსელონას" გენერალურ მენეჯერს, პეპ სეგურას, "ბეტისის" სპორტულ დირექტორთან, ლორენცო სერა ფერერთან (რომელიც "ბარსელონას" წვრთნიდა) კარგი ურთიერთობა აქვს.
ამ სიახლეზე კომენტარები გათიშულია.
კომენტარები [ 6 ]