სკანდალი ესპანურ ფეხბურთში - ყველა გზა მადრიდისკენ მიდის
ესპანურ ფეხბურთში სერიოზული სკანდალი მწიფდება. ადგილობრივმა პოლიციამ რამდენიმე ყოფილი და მოქმედი ფეხბურთელი დააკავა, რომელთა შორის ცნობილი სახეებიც არიან.
საუბარი ესპანეთის ჩემპიონატის ზედა 3 დივიზიონის მინიმუმ სამ ჩაწყობილ თამაშს ეხება.
მომხდარზე კომენტარი გააკეთა ლა ლიგის წარმომადგენელმა: "გამოძიებამ დაადგინა, რომ პირველ, მეორე და მესამე დივიზიონში, მინიმუმ სამ მატჩში, ფეხბურთელები თამაშების ჩაწყობაში მონაწილეობდნენ."
პოლიციის ინფორმაციით, ერთ-ერთ თამაშზე, ჩვეულზე 14-ჯერ მეტი თანხის ფსონი გაკეთდა.
ვრცელდება რამდენიმე დაკავებულის ვინაობაც და საინტერესოა, რომ ყველა მათგანი მადრიდულ გუნდებს უკავშირდება - რაულ ბრავო ("რეალის" ყოფილი ფეხბურთელი, დანაშაულებრივი სქემის სავარაუდო ხელმძღვანელი), სამუელ საისი ("რეალის" სკოლის აღზრდილი, მადრიდული "ხეტაფეს" ფეხბურთელი), ბორხა ფერნანდესი ("რეალისა" და "ხეტაფეს" ყოფილი ფეხბურთელი), კარლოს არანდა ("რეალის" სკოლის აღზრდილი ფეხბურთელი).
ჯერჯერობით, გამოძიებას დანაშაულებრივი სქემის "ბარსელონასთან" არანაირი კვეთა არ გამოუვლენია.
ამ სიახლეზე კომენტარები გათიშულია.
კომენტარები [ 7 ]