დანი ალვესი: "რეალში" გადასვლასთან 95%-ით ახლოს ვიყავი
"ბარსელონას" ლეგენდარული მარჯვენა მცველი დანი ალვესი ყვება, რომ კატალონიურ კლუბში ტრანსფერამდე ის მადრიდის "რეალში" გადასვლასთან ძალიან ახლოს იყო.
"გულახდილი ვიქნები: "რეალთან" კონტრაქტის გაფორმებასთან 95%-ით ახლოს ვიყავი. თუმცა, "სევილიას" ყოფილი პრეზიდენტი ხოსე მარია დელ ნიდო ჭკვიანი კაცი აღმოჩნდა. როდესაც მოლაპარაკებებში "ჩელსი" ჩაერთო, მან თამაში დაიწყო. ის ერთ კლუბს ეუბნებოდა, რომ კონკურენტი მზად იყო მეტი გადაეხადა. ჩემი გადაწყვეტილების დროც მოვიდა, მაგრამ საბოლოოდ ისე გამოვიდა, რომ "სევილიაში" დავრჩი. "რეალში" გადასვლასთან ძალიან ახლოს ვიყავი, მაგრამ ხელი შემთხვევითობამ შემიშალა. ეს სიტუაცია ჩემი "ბარსელონური" კარიერის წინაპირობა გახდა. ამაზე ბავშვობიდან ვოცნებობდი.
მადლობელი ვარ, რომ "რეალში" ჩემი ტრანსფერი ჩაიშალა და "ბარსელონაში" გადავედი. "რეალი", იმ დროს, დომინანტი იყო, მაგრამ ამ გუნდში გადასვლას არ ვაპირებდი. უფრო ახლის შექმნით ვიყავი დაინტერესებული. იმით, რაც "ბარსელონაში" მოვახერხეთ. "რეალში", უბრალოდ წიგნს ერთ ფურცელს დავამატებდით. "ბარსელონას" შემთხვევაში ყველაფერი სხვაგვარად იყო. გარდამავალი ეტაპი გავიარეთ და გულშემატკივრებმა მხარი დაგვიჭირეს. კლუბების ღირებულებები შევცვალეთ და ეს ძალიან აშკარად გავაკეთეთ." - ციტირებს ალვესის სიტყვებს ESPN.
ამ სიახლეზე კომენტარები გათიშულია.
კომენტარები [ 5 ]