"კამპ ნოუ" სარაგბო არენად გადაკეთდება
"ბარსელონას" სტადიონი "კამპ ნოუ" სარაგბო არენად გადაკეთდება, როცა შაბათს სუპერ ლიგის ეგიდით "Catalans Dragons"-სა "Wigan Warriors"-ს შორის გამართულ მატჩს უმასპინძლებს.
ზემოხსენებულ სარაგბო კლუბებს შორის შეხვედრის იდეა გასულ წელს დაიბადა. "ბლაუგრანას" პრეზიდენტი ჟოზეპ მარია ბართომეუ ჩელენჯ თასის ფინალს დაესწრო "უემბლიზე", სადაც სწორედ "Wigan Warriors" ასპარეზობდა. სავარაუდოა, რომ "კამპ ნოუზე" გასამართ შეხვედრას 30 000-მდე ადამიანი დაესწრება, რაც სარეკორდო მაჩვენებელი იქნება. კლუბებს შორის ბოლო შეხვედრა 2015 წელს გაიმართა და მას 8000 მაყურებელი დაესწრო.
აღსანიშნავია, რომ სარაგბო მატჩის ჩატარებით არსებობდა გარკვეული რისკები ფეხბურთისთვის განკუთვნილი მოედნის საფარი არ დაზიანებულიყო, თუმცა "ბარსელონა" საშინაო შეხვედრებს ივლისამდე არ მართავს. ზაფხულში კი ამხანაგური შეხვედრები იქნება "ჩელსისა" და "ვისელ კობესთან". ამ მხრივ, სარაგბო დაპირისპირება არანაირ პრობლემებს არ ქმნის.
ამ სიახლეზე კომენტარები გათიშულია.
კომენტარები [ 5 ]