"ბარსელონა" და "ბენფიკა" ჯერ ვერ შეთანხმდნენ

"ბარსელონა" და "ბენფიკა", იასპეს სილესენის ტრანსფერთან დაკავშირებით, მოლაპარაკებებს განაგრძობენ, მაგრამ შეთანხმებას ჯერ ვერ აღწევენ.

Mundo Deportivo-ს ინფორმაციით, კატალონიური კლუბი ჰოლანდიელ მეკარეში 25 მილიონ ევროს ითხოვს. პორტუგალიელები ამ თანხის გადახდაზე თანახმანი არ არიან და ისინი "ბარსას" რომელიმე ახალგაზრდა ფეხბურთელს სთავაზობენ.

ცნობილია, რომ "ბარსელონას" ერთ-ერთ სამიზნე კატალონიელთა აღზრდილი, ამჟამად "ბენფიკაში" მოთამაშე 23 წლის მარცხენა მცველი ალექს გრიმალდოა, მაგრამ ლისაბონელები ტრანსფერში მის ჩართვას არ აპირებენ.