ერნესტო ვალვერდე: ვწუხვართ...
"ბარსელონას" მთავარმა მწვრთნელმა, ერნესტო ვალვერდემ, ჩემპიონთა ლიგიდან ზედიზედ მეორედ სამარცხვინოდ გამოვარდნის შემდეგ, პრესკონფერენციაზე ისაუბრა.
"მეტოქე ჩვენზე ძლიერი იყო და ეს უნდა ვაღიაროთ."
"მეორე გოლმა დიდი დარტყმა მოგვაყენა და მესამეც მაშინვე გავუშვით. ჩვენი შანსები კი გოლებად ვერ ვაქციეთ."
"არ ვიცი, როგორ იმოქმედებს მომხდარი ჩემზე. ბევრ რამეზე ფიქრის დრო არ მქონია. პასუხისმგებლობას მწვრთნელი იღებს. სულ ესაა."
"ყველაზე მტკივნეული ისაა, რომ ეს აქამდეც მომხდარა. სწრაფი გოლი გავუშვით, მაგრამ გონს მოვედით და მომენტები შევქმენით. მეტოქის კართან საფრთხეს წარმოვადგენდით."
"ეს მარცხი, ჩვენთვის, ძალიან მტკივნეულია. განსაკუთრებით გულშემატკივრებისთვის. ზედიზედ მეორე წელია მათ ამის გადატანა უწევთ."
"მეტოქემ ძალიან კარგად ითამაშა და მას ფინალში გასვლა უნდა მივულოცოთ. მეტს ვერაფერს ვიტყვი. ამას არ ველოდით. ძალიან კონცენტრირებულები ვიყავით."
"მეტოქემ წნეხში მოგვაქცია და ძალიან გარისკა. მოწოდების სიმაღლეზე ვერ ვიყავით და ძალიან გაგვიჭირდა."
"ასეთი მარცხის შემდეგ, რამდენიმე დღე კოშმარში ცხოვრობ."
"მეოთხე გოლი? არ ვიცი, რა მოხდა. როდესაც ბურთი დავინახე, უკვე კარში იყო. შესანიშნავი გათმაშება იყო."
"ვიდალი, პირველ ტაიმში, ძალიან კარგი იყო. მისი წყალობით, ფეხზე დგომას ვახერხებდით. თუმცა, მეორე ტაიმში, ის დაიღალა და ამ პრობლემის გადაჭრაზე ფიქრი დავიწყეთ."
"ვწუხვართ..."
ამ სიახლეზე კომენტარები გათიშულია.
კომენტარები [ 63 ]