ვირჯილ ვან დეიკი: ბედნიერი ვარ, რომ მესის ყოველ სეზონში არ ვხვდები
"ლივერპულის" ცენტრალური მცველი ვირჯილ ვან დეიკი ჩემპიონთა ლიგის 1/2-ფინალის პირველ თამაშში (0:3) "ბარსელონასთან" წაგების შემდეგ შთაბეჭდილებებს გვიზიარებს.
"აშკარაა, რომ ლიონელ მესი ფანტასტიკური ფეხბურთელია. პრობლემა ისაა, რომ, როდესაც ვუტევდით, ის სადღაც მოედნის კუთხეში იმალებოდა, ამიტომ მის წინააღმდეგ ყოველთვის მზადყოფნაში უნდა იყო.
ვიცოდით, რომ, შესაძლოა, ეს მომხდარიყო. ვიცოდით, რომ არ უნდა გაგვერისკა, არ გაგვეხსნა მარცხენა ფლანგი. როგორც კი ბურთს ვკარგავდით, ისინი მაშინვე მესის ეძებდნენ და ჩვენი ცხოვრების გართულებას ცდილობდნენ.
ვფიქრობ, ის მსოფლიოში საუკეთესოა. ამასთანავე, მას შეუძლია ისეთი დიდი ტურნირის ბედის გადაწყვეტა, როგორიც ჩეპიონთა ლიგაა.
მესის წინააღმდეგ რეცეპტი არ არსებობს. ეს არავის აქვს. უბრალოდ ბედნიერი ვარ, რომ ესპანეთში არ ვთამაშობ და მას ყოველ სეზონში არ ვხვდები.
განმეორებითი მატჩი? ფეხბურთში ყველაფერი შესაძლებელია. რა თქმა უნდა, წარმატების გვჯერა. არასდროს ვნებდებით. დღეს უკვე ვაჩვენეთ, რომ "ბარსელონას" კართან მომენტების შექმნა შეგვიძლია. ერთადერთი, რაც დაგვაკლდა, მათი გამოყენებაა."
ამ სიახლეზე კომენტარები გათიშულია.
კომენტარები [ 5 ]