ესპანეთის სუპერ თასი საუდის არაბეთში?
ესპანეთის ფეხბურთის ფედერაცია, ქვეყნის სუპერ თასის გამართვასთან დაკავშირებით, საუდის არაბეთის ხელისუფლებასთან მოლაპარაკებებს აწარმოებს. ამ ინფორმაციას Marca ავრცელებს.
წყაროს ცნობით, საუბარია სუპერ თასის მომდევნო 6 წლის განმავლობაში საუდის არაბეთში გამართვაზე. ამის სანაცვლოდ, ესპანური მხარე წელიწადში 30 მილიონ ევროს მიიღებს. ასევე არაა გამორიცხული სხვა ქვეყნები (აშშ, ჩინეთი და კატარი) და არც უფრო ხანგრძლივი თანამშრომლობა.
ახალი ფორმატით, რომელიც 29 აპრილს უნდა დამტკიცდეს, სუპერ თასზე 4 გუნდი ითამაშებს და ეს ტურნირი იანვარში ჩატარდება.
ესპანეთის სუპერ თასზე განხორციელებული ცვლილებები, წესით, ყველაზე მეტად "ბარსელონას" უნდა შეეხოს. კატალონიელებს ეს ტიტული ყველაზე მეტჯერ აქვთ მოგებული, რაც ბოლო წლებში მათი დომინირების დამსახურებაა. ესპანეთის სუპერ თასის უკანასკნელი 10 გათამაშებიდან "ბარსამ" მონაწილეობა 9-ში მიიღო და 6 მათგანი მოიგო.
ამ სიახლეზე კომენტარები გათიშულია.
კომენტარები [ 5 ]