სერხიო ბუსკეტსი MLS-ში?
"ბარსელონას" საყრდენმა ნახევარმცველმა, სერხიო ბუსკეტსმა, შესაძლოა, კარიერა ამერიკულ MLS-ში გააგრძელოს. ამ ინფორმაციას Marca ავრცელებს.
მადრიდული წყაროს ცნობით, ბუსკეტსს ეს ჩემპიონატი მოსწონს და ის კარიერის გაგრძელების შესაძლებლობას სწორედ ჩრდილოეთ ამერიკაში განიხილავს. 30 წლის ფეხბურთელი მიიჩნევს, რომ მის ასაკში უკვე უნდა დაფიქრდეს, სად გადავა კატალონიური გუნდიდან წასვლის შემდეგ. ამავე დროს, "ბარსელონას" ერთ-ერთმა ლიდერმა ინტერვიუში გაიხუმრა, რომ ის, შესაძლოა, მაიამის "ინტერში" გადავიდეს, რათა ზღვასთან უფრო ახლოს იყოს. თუმცა, იმის გათვალისწინებით, რომ ამ კლუბის მფლობელი ლეგენდარული დევიდ ბექჰემია, ბუსკეტსის ტრანსფერი გამორიცხული არაა.
სერხიო ბუსკეტსის ანგარიშზე მიმდინარე სეზონში 47 მატჩი და 2 საგოლე გადაცემაა. მისი კონტრაქტის ვადა 2023 წლის ზაფხულში იწურება.
ამ სიახლეზე კომენტარები გათიშულია.
კომენტარები [ 5 ]