"ბარსელონამ" "სოსიედადი" დაამარცხა; "ატლეტიკოსთან" სხვაობა 9 ქულაა

ესპანეთის ჩემპიონატის 33-ე ტურში, "ბარსელონამ" "რეალ სოსიედადს" უმასპინძლა. მიუხედავად იმისა, რომ კატალონიელებს ტურნირის მოგება პრაქტიკულად ისედაც განაღდებული ჰქონდათ, ერნესტო ვალვერდემ საბრძოლო შემადგენლობა გამოიყენა. 

პირველ ტაიმში საგოლე მომენტები თითქმის არ ყოფილა, მაგრამ 45-ე წუთზე კლემან ლანგლემ "ბარსას" მიერ ჩაწოდებული კუთხურის შემდეგ თავური დარტყმით გაიტანა. 62-ე წუთზე, ხუანმიმ ანგარიში გაათანაბრა, თუმცა მალევე ჟორდი ალბამ "ბლაუგრანა" ისევ წინ გაიყვანა. საბოლოო ანგარიში - 2-1. 

"ბარსელონამ" 77 ქულა დააგროვა, მეორე ადგილზე მყოფ "ატლეტიკოს" კი 68 აქვს. მადრიდელებმა დღეს "ეიბარი" 1-0 დაამარცხეს. 

მომდევნო შეხვედრა 23 აპრილს, "ალავესის" წინააღმდეგ გაიმართება.