"ბარსელონა" vs "მანჩესტერ იუნაიტედი"
ფხებურთის გულშემატკივარი მოუთმენლად ელოდება ჩემპიონთა ლიგის 1/4 ფინალური ეტაპის მეორე თამაშს "ბარსელონასა" და მანჩესტერ იუნაიტედს" შორის. უნდა აღინიშნოს, რომ "ბლაუგრანა" ყველა ტურნირზე შესანიშნავად გამოიყურება. ისინი დაუმარცხებენლი არიან ნომებრიდან, საინტერესოა გაგრძელდება თუ არა ეს სერია.
ოპტიმიზმი
"ოლდ ტრაფორდზე" გამართული შეხვედრა "ბარსელონას" გამარჯვებით დასრულდა 1:0, რაც გარკვეული უპირატესობაა. საინტერესოა, რომ ევროპულ ტურნირებზე დაფიქსირებული 9 მსგავსი შედეგიდან (1:0), კატალონიელებმა 8-ჯერ მოახერხეს შემდეგ ეტაპზე გასვლა. "იუნაიტედის" წინააღმდეგ "კამპ ნოუზე" გამართულ ბოლო 4 თამაშში, "ბლაუგრანამ" 2 მატჩი მოგო, 2 კი ფრედ დაასრულა.
"მანჩესტერ იუნაიტედმა" უნდა გაიტანოს
"იუნიტედმა" წინა შეხვედრაში მეტოქის კარის დალაშქვრა ვერ შეძლო, ამიტომ ინგლისელები ვალდებულნი არაინ გოლი გაიტანონ. ეს კი გარკვეულ სივრცეებს გააჩენს, რასაც კატალონიელები კარგად გამოიყენებენ, განსაკუთრებით შეტევაში.
თუმცა, "ბარსელონა" ფრთხილად უნდა იყოს, "იუნაიტედმა" ამ სეზონში "იუვენტუსი" და "პარის სენ-ჟერმენი" დამატებით დროში დაამარცხა.
ვალვერდეს სტრატეგია
"უესკასთან" მატჩში ერნესტო ვალვერდემ ძირითადი შემადგენლობის რამდენიმე ფეხბურთელი დაასვენა. მნიშვნელოვანია, რომ სამშაბათის მატჩს გუნდი კარგ ფიზიკურ კონდიციებში შეხვდეს.
"იუნაიტედის" მიმდინარე მდგომარეობა
პრემიერ ლიგაში "მანჩესტერ იუნაიტედმა" 2 11-მეტრიანის წყალობით "ვესთ ჰემი" დაამარცხა, დააგროვა 64 ქულა და მხოლოდ 2 ქულით ჩამორჩება ჩემპიონთა ლიგის ზონას.
უსმან დემბელეს დაბრუნება
მიუხედავად სამედიცინო ნებართვისა, დემბელეს "იუნაიტედთან" გამართულ პირველ შეხვედრაში მონაწილეობა არ მიუღია. "უესკასთან" კი 60 წუთი ითამაშა. ფრანგის სისწრაფე და ფლანგზე აქტიურობა "ბარსელონასთვის" მნიშვნელოვანი იქნება.
"კამპ ნოუ"
"კამპ ნოუ" მრავალი შესანიშნავი შეხვედრის მომსწრეა და იმედია, გამონაკლისი არც ეს მატჩი იქნება. გულშემატკივარი საყვარელ კლუბს აქტიურად უქომაგებს, რაც "ბარსელონას" ფსიქოლოგიურად აუცილებლად დაეხმარება.
ამ სიახლეზე კომენტარები გათიშულია.
კომენტარები [ 5 ]