ერნესტო ვალვერდე - "ბარსელონას" პირველი მწვრთნელი, რომელმაც გუნდს "ოლდ ტრაფორდზე" მოაგებინა

გუშინ, "ბარსელონამ" "მანჩესტერ იუნაიტედი" "ოლდ ტრაფოდრზე" დაამარცხა, რაც იმას ნიშნავს, რომ ერნესტო ვალვერდე გახდა კატალონიური კლუბის პირველი მწვრთნელი, რომელმაც ამის გაკეთება მოახერხა.

სულ, გუნდები ერთმანეთს 12-ჯერ შეხვდნენ (ოფიციალური მატჩები). 4-ჯერ "კამპ ნოუზე", 5-ჯერ "ოლდ ტრაფორდზე", 3-ჯერ ნეიტრალურ არენაზე.

"წითელი ეშმაკების" საშინაო მოედანზე, 5 ჩატარებული მატჩიდან "ბარსელონა" 2-ჯერ დამარცხადა და ამდენივეჯერ ფრე ითამაშა. გუშინ კი, პირველი გამარჯვება მოიპოვა (1:0).

1984 წელს, ლუის მენოტის "ბარსელონა" "ოლდ ტრაფორდზე" დამარცხდა, ანგარიშით 0:3. ლუი ვან გაალისა და იოჰან კრუიფის ორივე დაპირისპირება ფრედ დამთვარდა (1994 წელი - 2:2, 1998 წელი - 3:3). ამ მოედნიდან რაიკარდიც დამწუხრებული წამოვიდა (2008 წელი - 0:1).

ერნესტო ვალვერდეს ასევე შანსი აქვს გუნდი ჩემპიონთა ლიგის 1/2 ფინალში გაიყვანოს, რაც 2014/2015 სეზონის შემდეგ არ მომხდარა.