ალექსანდერ ისაკმა "ბარსელონას" ყურადღება მიიპყრო
19 წლის თავდამსხმელი კატალონიური გრანდის ხელმძღვანელობის რადარზე მოხვდა.
როგორც Mundo Deportivo იტყობინება, "ბარსელონა" ალექსანდერ ისაკს უმიზნებს, რომელიც ამჟამად არენდის წესით ჰოლანდიური "ვილემ II"-ის ღირსებას იცავს. მან "ბლაუგრანას" ყურადღება მას შემდეგ მიიპყრო, რაც ბოლო რვა შეხვედრაში მეტოქეთა კარი 11-ჯერ აიღო.
შვედი ფორვარდი 2017 წლის ზაფხულში დორტმუნდის "ბორუსიას" შემადგენლობას 9 მილიონი ევროს სანაცვლოდ შეუერთდა, თუმცა გერმანიაში მან ფეხი ვერ მოიკიდა და ერედივიზიონში გაანათხოვრეს.
აღსანიშნავია, რომ "ბორუსიაში" გადასვლამდე ისაკის შეძენით მადრიდის "რეალიც" ინტერესდებოდა, თუმცა შეთანხმება ვერ შედგა.
ახლა, როდესაც ისაკი მშვენიერ ფორმაში შედის, დორტმუნდელთა ხელმძღვანელობა მზადაა განიხილოს სხვადასხვა წინადადება ახალგაზრდა შვედის თაობაზე. "ბარსელონა" კი ამ საქმეში ჩართვას აპირებს.
ამ სიახლეზე კომენტარები გათიშულია.
კომენტარები [ 8 ]