რადომირ ანტიჩის საინტერესო ინტერვიუ "ბარსელონას" შესახებ
"ბარსელონას" ყოფილი სერბი მწვრთნელი, რადომირ ანტიჩი თავის ყოფილ კლუბზე საუბრობს.
ანტიჩმა ანტუან გრიზმანის "ბარსელონაში" შესაძლო ტრანსფერზე ისაუბრა: "გრიზმანი ფლეიმეიქერია, "ბარსელონა" კი ასეთი ფეხბურთელების გარეშე თამაშობს. თუ "ბარსელონაში" ფრანგის შეძენას გადაწყვეტენ, დარწმუნებული ვარ, რომ ის იქ თავის ადგილს ვერ იპოვის. ბოლოს კი სათადარიგოთა სკამს გაათბობს."
"ჩემთვის გაუგებარია რატომ არ ინტერესდებიან "ბარსელონა" და "რეალი" მსოფლიოში საუკეთესო მეპასით, კევინ დე ბრუინით. ლუკა მოდრიჩი? როდიდანაა ის საუკეთესო მეპასე? ვერც კი ვიტყვი რას ნიშნავს "ოქროს ბურთის" მისთვის გადაცემა, ეს ნონსენსია. ის არც გოლებს იტანს, არც საგოლე გადაცემებს აკეთებს. გრიზმანი კი "რეალს" უფრო სჭირდება, ვიდრე "ბარსელონას".
სერბმა ლა ლიგაზეც ისუბრა: "თეორიულად, ლა ლიგის ბედი უკვე გადაწყვეტილია. კატალონიელების უპირატესობის გამო, "ბარსელონაში" შეიძლება ფიქრობდენ იმაზე, რომ ეს ტურნირი უკვე მოიგეს. თუმცა, "ბარსელონასგან" განსხვავებით, სხვა გუნდებს მხოლოდ ლა ლიგის თამაშები დარჩათ ჩასატარებელი. ვნახოთ რა მოხდება."
"მესის მიკრო ტრავმა კიდევ აწუხებს. შესაძლოა მან "მანჩესტერ იუნაიტედთან" თამაშის წინ დაისვენოს, მაგრამ "ვილიარეალთან" ნაჩვენები თამაშის შემდეგ არ მგონია, რომ ის ამას გააკეთებს. ლა ლიგა ერთადერთი ტურნირია, სადაც შეიძლება მოთამაშეების დასვენება. "ბარსელონა" "მანჩესტერს" საუკეთესო შემადგენლობით უნდა შეხვდეს."
"არ ვფიქრობ, რომ "ბარსელონა" იმაზე უკეთესად გამოიყურება, ვიდრე წინა წელს, მაგრამ მესის წყალობით, ისინი თამაშებს ზედმეტი ენერგიის დახარჯვის გარეშე იგებენ. რასაც არგენტინელი აკეთებს, სამუდამოდ დაგვამახსოვრდება. "ბეტისისა" და "ესპანიოლის" წინააღმდეგ გატანილი გოლები გენიოსის ნამუშევარია."
ანტიჩმა ფილიპე კოუტინიოზეც ისაუბრა: "რას გავაკეთებდი? უპირველეს ყოვლისა, მე მას პირისპირ გავესაუბრებოდი. ვკითხავდი რა უნდა გაგვეკეთებინა, რომ მას თავი კომფორტულად ეგრძნო. საუბარი საუკეთესო გამოსავალია. უნდა აღიარო, რომ პრობლემა არსებობს - ეს არის პრობლემის მოგვარებისკენ პირველი გადადგმული ნაბიჯი." - ციტირებს რადომირ ანტიჩის სიტყვებს Goal.
შეგახსენებთ, რომ რადომირ ანტიჩი "ბარსელონას" გარდა, "რეალისა" და "ატლეტიკოს" მწვრთნელიც იყო.
ამ სიახლეზე კომენტარები გათიშულია.
კომენტარები [ 7 ]