ლა ლიგა ინტრიგას კარგავს - "ბარსელონას" სრული ბენეფისი
სპორტული გამოცემა "მარკა" საინტერესო სტატიას აქვეყნებს, რომელშიც საუბარია ესპანეთის ჩემპიონატში "ბარსელონას" სრულ დომინირებაზე.
"აღსანიშნავია, რომ ესპანეთის შიდა ჩემპიონატმა ბოლო წლების განმავლობაში თავისი მნიშვნელობა დაკარგა. ინტერესს მხოლოდ ჩემპიონთა ლიგის გამარჯვებულის ვინაობის გარკვევა იწვევს. ყოველივე ამის მიზეზი კი "ბარსელონაა", რომელმაც ლა ლიგა პირად საკუთრებად გაიფორმა. უკანასკნელ 10 სეზონში "ბლაუგრანამ" შვიდჯერ აღმართა საჩემპიონო თასი და წლევანდელ სეზონშიც ახლოსაა გამარჯვებასთან. პრიმერა დივიზიონში კატალონიური კლუბის სრული ბენეფისია.
გასულ სეზონში ვალვერდეს შეგირდებს ერთი ნაბიჯიღა დააკლდათ გამხდარიყვნენ ჩემპიონები წაუგებელი თამაშის გარეშე. მიმდინარე სეზონში ყველაფერი მარტშივე გადაწყდა, უპირატესობა ძალიან დიდია. არავინ კამათობს, რომ ჩემპიონთა ლიგაც, შიდა ტურნირებთან, ერთად უმნიშვნელოვანესია. გვარდიოლას თქმით, ლიგის ტიტული დამოკიდებულია იმაზე, თუ როგორ ფორმაში იქნება გუნდი 10 თვის განმავლობაში.
შიდა ჩემპიონატი თანმიმდევრულობით გამოირჩევა, ამას რამდენიმე ფაქტორი განსაზღვრავს: გქონდეს შესაძლებლობა დაძლიო რთული პერიოდები სეზონში, მოიგო გასვლითი მატჩები, მაღალ დონეზე ჩაატარო საშინაო თამაშები, ნაკლები გავლენა იქონიოს ტრავმებმა შედეგზე. სწორედ ამაშია "ბარსელონა" საუკეთესო. დეკადის შედეგებითა და რეკორდებით კატალონიური კლუბი შიდა ჩემპიონატში დომინირებს. სწორედ ეს განაპირობებს ლა ლიგის მნიშვნელობისა და ინტრიგის დაკარგვას. თუმცა, რასაც "ბლაუგრანა" აკეთებს, წარმოუდგენლად რთულია."
ამ სიახლეზე კომენტარები გათიშულია.
კომენტარები [ 12 ]