ლეო მესის ბოლო 8 სეზონში "რეალზე" მეტი ჯარიმა გააქვს

ესპანეთის ჩემპიონატის 28-ე ტურში "ბეტისთან" გამართულ შეხვედრაში (4:1) "ბარსელონას" ვარსკვლავი ლიონელ მესი 3 გოლით გამოირჩა, მათ შორის ზუსტად შესრულებული საჯარიმო დარტყმითაც.

MisterChip-ის ცნობით, ლეო მესიმ ბოლო 8 წელიწადში ჯარიმიდან თავისი 25-ე გოლი გაიტანა. დაუჯერებელია, მაგრამ 2011/12 წლების სეზონიდან მოყოლებული 31 წლის არგენტინელმა უფრო მეტი ჯარიმა გაიტანა, ვიდრე რეალის ყველა ფეხბურთელმა ამ პერიოდში (24). მესიზე წინ ამ მაჩვენებლით მხოლოდ "იუვენტუსია" (29).

ლიონელ მესის უახლოესი მდევრები "ლიონი" (22), "რომა" და პსჟ (21) და "ლივერპული" (19) არიან.