მიზეზი, რის გამოც "ბარსელონამ" 2008 წელს ქარიმ ბენზემა არ შეიძინა

2008 წელს, როცა "ბარსელონას" მთავარ მწვრთნელად პეპ გვარდიოლა დაინიშნა, რომელსაც სამუელ ეტო'ოსთან მუშაობა არ სურდა, კატალონიური კლუბი ახალი ცენტრფორვარდის ძიებაში იყო.

იმ დროისთვის, კატალონიელთა მთავარი სატრანსფერო სამიზნე ქარიმ ბენზემა იყო, ვინაიდან ფრანგი მოთამაშე "ლიონში" შესანიშნავად ასპარეზობდა.

როგორც Marca ავრცელებს ინფორმაციას, "ბარსელონას" მაშინდელმა ტექნიკურმა მდივანმა, ჩიკი ბეგირისტაინმა ოპერაცია საკუთარ თავზე აიღო და ფეხბურთელს ლიონში, მის სახლში ესტუმრა, რათა ის "ლურჯ-ბროწეულისფერთა" რიგებში გადასვლაში დაერწმუნებინა.

თუმცა, წყაროს ცნობით, ბეგირისტაინი უკმაყოფილო დარჩა იმით, რაც იხილა. მას ბენზემას მეგობრული ურთიერთობა და ქცევები არ მოეწონა. ფეხბურთელი "ბარსელონას" წარმომადგენელს, საუბრის დროს, არც კი უყურებდა.

ამა თუ იმ მიზეზის გამო გადაწყდა, რომ "ბარსა" ბენზემას არ შეიძენდა, რადგან ჩათვალეს, რომ ის პრობლემატური გახდებოდა და ადაპტაცია გაუჭირდებოდა.