უგოლო ფრე "ბილბაოსთან" - "რეალთან" სხვაობა 6 ქულაა
ლა ლიგის 23-ე ტურში, "სან მამესზე", ერთმანეთს ბილბაოს "ატლეტიკი" და "ბარსელონა" დაუპირისპირდნენ. მატჩი გატანილი გოლის გარეშე დასრულდა.
ყველაზე გამორჩეული მოთამაშე მარკ-ანდრე ტერ შტეგენი იყო, რომელმაც საოცარი სეივები შეასრულა და თავისი გუნდი რამდენიმეჯერ გადაარჩინა.
დამატებულ წუთებზე, "ბილბაო" 10 ფეხბურთელით დარჩა - ოსკარ დე მარკოსმა კატალონიელების კონტრშეტევის ჩაშლის გამო მეორე ყვითელი ბარათი მიიღო. თუმცა, ამით "ბარსამ" ვერ ისარგებლა.
ერნესტო ვალვერდეს გუნდი ბასკეთს ერთი ქულით ტოვებს. სატურნირო ცხრილში "ბარსელონას" და მადრიდის "რეალს" შორის სხვაობა 6 ქულაა, "ატლეტიკოს" კი ერთით ნაკლები აქვს.
მომდევნო ტურში, "ბარსა" "ვალიადოლიდს" უმასპინძლებს. ეს შეხვედრა 16 თებერვალს გაიმართება.
ტეგები
მსგავსი სიახლეები
გაწევრიანდი "ბარსელონას" გულშემატკივრების Facebook ჯგუფში
ინფორმაცია
ამ სიახლეზე კომენტარები გათიშულია.
ამ სიახლეზე კომენტარები გათიშულია.
კომენტარები [ 5 ]