ერნესტო ვალვერდე "სევილიასთან" მატჩის (6-1) შემდეგ
"ბარსელონას" მთავარმა მწვრთნელმა, ერნესტო ვალვერდემ, "სევილიასთან" თამაში შეაფასა.
"ჩვენი ოცნება ყველა ტიტულის მოგებაა და ხანდახან თვლიან, რომ ეს ასე არ არის. კოპა დელ რეი ძალიან მნიშვნელოვანი ტურნირია.
თამაშის მიმდინარეობისას არის მომენტები, როცა ყველაფერი შენს სასარგებლოდ ხდება, ან პირიქით. "სევილიასთან" წინა მატჩში პირველი გოლის გატანა ვერ მოვახერხეთ, მეორე ტაიმში კი მათ უკეთესი თამაშის წყალობით დაგვამარცხეს.
საპასუხო მატჩი უფრო ენერგიულად დავიწყეთ, სწრაფად დავწინაურდით, შემდეგ კი იასპერ სილესენმა პენალტი მოიგერია. როცა ანგარიში 4-1 გახდა, მოწინააღმდეგეებმა ჩვენი ნახევრისკენ გადმოინაცვლეს და სივრცეების გაცარიელების გამო შექმნილი უპირატესობაც გამოვიყენეთ. შეგვეძლო, საქმე უფრო ადრეც დაგვესრულებინა.
გუნდში ორი შესანიშნავი მეკარე გვყავს. სილესენი ელიტარული დონისაა. ჩვენს წარმატებაში ისინი უდიდეს როლს თამაშობენ".
ამ სიახლეზე კომენტარები გათიშულია.
კომენტარები [ 6 ]