ერნესტო ვალვერდე "სევილიასთან" მატჩის წინ
"ბარსელონას" დამრიგებელმა, ერნესტო ვალვერდემ, "სევილიასთან" ხვალ გასამართი მატჩის წინ, პრესკონფერენციაზე, რამდენიმე საინტერესო საკითხზე ისაუბრა.
"გასულ კვირაში როტაციას მივმართეთ, როგორც ამას ბევრი გუნდი აკეთებს. 6 დღეში 3 თამაში გვაქვს, პრიორიტეტი კი ხვალინდელი შეხვედრაა.
კონტრაქტის განახლება? ბართომეუსთან ჰარმონიული ურთიერთობა მაქვს. როდესაც რამე გვექნება სათქმელი, ამას გავაკეთებთ.
თასზე ასპარეზობის გაგრძელება გვინდა. ლეომ და პიკემ უკვე თქვეს, რომ პირველივე წუთებიდანვე ჩვენი თამაში უნდა ვაჩვენოთ.
ჩვენ ყოველთვის გამარჯვება გვსურს. როდესაც ამას ვერ ვახერხებთ, ჩავარდნას ჰგავს. რაც არ უნდა მოხდეს ხვალ, მზე ისევ ამოვა და შაბათს მომდევნო მატჩი გვექნება.
დაცვაში თამაში მნიშვნელოვნად გავაუმჯობესეთ. "სევილია" არის გუნდი, რომელსაც ბევრი გოლი გააქვს. მეტოქეს გოლის გამტანი ბევრი მოთამაშე ჰყავს. ჩვენი მიზანია თავი კარგად დავიცვათ და მეტოქეს გატანის საშუალება არ მივცეთ, ხოლო საკუთარი შანსები გამოვიყენოთ.
იმედი გვაქვს, უმტიტი მალე დაგვიბრუნდება. ფრთხილად უნდა ვიმოქმედოთ და დავრწმუნდეთ, რომ ის 100%-ით გამოჯანმრთელდა.
საცირკო წარმოდგენა მესიზე? ის მხოლოდ ფეხბურთელი არაა. მე მისი მწვრთნელი ვარ, როგორც მოთმაშის, მაგრამ ის ასევე მნიშვნელოვანი სოციალური მოვლენაა. ეს ნაბიჯი ბევრ რამეს ნიშნავს.
ვფიქრობ, გულშემატკივრები მხარს დაგვიჭერენ, რისიც არაერთი მიზეზი არსებობს. ფეხბურთი დიდებული მომენტებისგან, თამაშებისგან შედგება, რომლებიც გულშემატკივრებს ამახსოვრებათ. გაგვიხარდება, თუ "სევილიასთან" მატჩი ერთ-ერთი მათგანი იქნება. გულშემატკივრებს სტადიონზე მოსვლისკენ მოვუწოდებ".
ივან რაკიტიჩი ძალიან მნიშვნელოვანი ფეხბურთელია. ის ამას წლების განმავლობაში ამტკიცებს. ამაში ეჭვი არ გვეპარება. ის, ჩვენთვის, მნიშვნელოვანია სამომავლოდაც.
თამაშზე გავლენას ფეხბურთელების მახასიათებლები ახდენს. არტური ადაპტაციას ძალიან კარგად გადის და ის შესანიშნავ თამაშს აჩვენებს.
ნელსონ სემედო მრავალი მიმართულებით უმატებს. ის პროგრესს განიცდის როგორც შეტევაში, ასევე დაცვაში. ის ძალიან სწრაფია და რთულია მას გაცდე.
დემბელეს მკურნალობა კარგად მიმდინარეობს. არ ვიცი, იქნება თუ არა ის მზად "ვალენსიასთან" მატჩისთვის.
თერთმეტმეტრიანები? რა თქმა უნდა, გვინდა, რომ ჩვენც ბევრი პენალტი დავარტყათ. კარგი დამრტყმელები გვყავს.
როდესაც ამის დრო მოდის, პრიორიტეტს რომელიმე ტურნირზე აკეთებ. ახლა კი ჩვენი პრიორიტეტი ხვალინდელი თამაშის მოგებაა."
ამ სიახლეზე კომენტარები გათიშულია.
კომენტარები [ 10 ]