"მანჩესტერ სიტიმ" დე იონგზე უარი მაღალი ხელფასის გამო თქვა

გუშინ, 23 იანვარს, "ბარსელონამ" "აიაქსის" ნახევარმცველის, ფრენკი დე იონგის ტრანსფერი ოფიციალურად დაადასტურა.

ჰოლანდიელის შეძენით სხვა ევროპული გრანდებიც ინტერესდებოდნენ, მათ შორის "მანჩესტერ სიტიც".

ბრიტანულმა გამოცემა Daily Mail-მა გაავრცელა ინფორმაცია, თუ რატომ წააგეს "ქალაქელებმა" პერსპექტიული ნახევარმცველისთვის ბრძოლა. მიზეზი ფეხბურთელის ხელფასშია.

"ბარსელონა" დე იონგს წლიურად 10 მილიონ ევროს გადაუხდის. 21 წლის მოთამაშემ, ბონუსების სახით, შესაძლოა, კიდევ 6 მილიონი ევრო გამოიმუშაოს.

"მანჩესტერ სიტიმ" კი, თავის მხრივ, ასეთი თანხის გადახდა არ მოისურვა და ტრანსფერზე უარი თქვა.