დე იონგის წლიური ანაზღაურება 10 მილიონი ევრო იქნება
"აიაქსის" ნახევარმცველის, ფრენკი დე იონგის "ბარსელონაში" ტრანსფერი მალე გაოფიციალურდება.
როგორც Mundo Deportivo იტყობინება, კატალონიური კლუბის დელეგაცია, ჟოზეპ მარია ბართომეუს მეთაურობით, ამსტერდამში ჩაფრინდა.
Goal-ის ინფორმაციით კი, 21 წლის ფეხბურთელი, შესაძლოა, "ბარსელონაში" ერთ-ერთი ყველაზე მაღალანაზღაურებადი მოთამაშე გახდეს. "ბარსელონამ" დე იონგს, ხელფასის სახით, წელიწადში 10 მილიონი ევრო და მატჩებისა და ტიტულებისათვის, ბონუსების სახით, 6 მილიონი ევრო შესთავაზა.
ეს თანხა იმაზე გაცილებით მაღალია, რასაც "ლურჯ-ბროწეულისფერები", ჩვეულებისამებრ, ახალგაზრდა მოთამაშეებს სთავაზობენ, მაგრამ "ბარსას" ხელმძღვანელობა დე იონგის შემთხვევას გამონაკლისად მიიჩნევს.
როგორც უკვე გავრცელდა ინფორმაცია, "ბარსელონა" "აიაქსს", აღნიშნულ ტრანსფერში, 75 მილიონ ევროს გადაუხდის.
ამ სიახლეზე კომენტარები გათიშულია.
კომენტარები [ 12 ]