მომდევნო სეზონში, "ბარსელონაში" ფრანგები ესპანელებს გაუთანაბრდებიან

დღეს ცნობილი გახდა, რომ ახალგაზრდა ფრანგი მცველი ჟან-კლერ ტოდიბო, მომდევნო სეზონიდან, "ბარსელონაში" ითამაშებს.

19 წლის ფეხბურთელი მე-4 ფრანგი იქნება, რომელიც "ბარსას" მაისურით 2019/20 წლების სეზონში ითამაშებს. კატალონიურ გუნდში უკვე ირიცხებიან სამუელ უმტიტი, კლემან ლანგლე და უსმან დემბელე. დიდი ალბათობით, მათ შეუერთდება ადრიან რაბიოც და მომდევნო სეზონში "ბარსა" 5 ფრანგით იქნება წარმოდგენილი.

ამჟამად, კატალონიურ კლუბში ყველაზე მეტი ფეხბურთელი, ბუნებრივია, ესპანეთიდანაა, მაგრამ არაა გამორიცხული, ეს სიტუაცია მომდევნო სეზონში შეიცვალოს. თუ დენის სუარესი, სერჟი სამპერი და მუნირ ელ ჰადადი გუნდს დატოვებენ, "ბარსელონაში" მხოლოდ 5 ესპანელი დარჩება - ჟერარ პიკე, სერხიო ბუსკეტსი, ჟორდი ალბა, სერჟი რობერტო და კარლეს ალენია.

თუ მოვლენები მართლაც ასე განვითარდა, მომდევნო სეზონიდან "ბარსელონაში" იმდენივე ფრანგი ითამაშებს, რამდენიც ესპანელი.