"ბარსელონამ" ვალვერდეს შემცვლელი უკვე მოძებნა
იმ შემთხვევისთვის, თუ მიმდინარე სეზონის ბოლოს "ბარსელონასა" და ერნესტო ვალვერდეს გზები გაიყარა, კატალონიურ კლუბს ახალი მთავარი მწვრთნელი უკვე შერჩეული ჰყავს.
ვალვერდეს კონტრაქტს ვადა ზაფხულში გასდის და ჯერჯერობით უცნობია, გაახანგრძლივებს თუ არა ის ხელშეკრულებას.
Marca-ს ცნობით, "ბარსას" 54 წლის სპეციალისტის შემცვლელი უკვე მოძებნილი ჰყავს და ეს "ბეტისის" დამრიგებელი კიკე სეტიენია.
კიკე სეტიენს "ბარსელონაში" არასდროს უთამაშია ან უმუშავია, მაგრამ იმის გამო, რომ ის იოჰან კრუიფის დიდი თაყვანისმცემელია, მისი სტილი კატალონიელებისას ძალიან ჰგავს.
სეტიენი უკვე 60 წლისაა და ის უმაღლეს დონეზე რამდენიმე წლის წინ გამოჩნდა, მაგრამ "ლას პალმასსა" და "ბეტისში" მიერ მიერ ნაჩვენები შედეგები შთამბეჭდავია. ამ მწვრთნელმა მოახერხა და სევილიური გუნდი ევროტურნირზე გაიყვანა, რასაც "სანტიაგო ბერნაბეუსა" და "კამპ ნოუზე" მოგებებიც დაამატა.
ამ სიახლეზე კომენტარები გათიშულია.
კომენტარები [ 19 ]