დე იონგსა და დე ლიგტს, "აიაქსიდან" წასვლის შემთხვევაში, ერთ კლუბში თამაში სურთ
ამსტერდამის "აიაქსის" ახალგაზრდა ფეხბურთელები, ფრენკი დე იონგი და მატიას დე ლიგტი კარიერის გაგრძელებას ერთ გუნდში აპირებენ, იტყობინება RMC Sport.
ჰოლანდიელი მოთამაშეები ერთმანეთს ბავშვობიდან იცნობენ და განშორება არ სურთ, ამიტომაც, ამსტერდამული კლუბიდან წასვლის შემთხვევაში, ისინი თამაშის ერთად გაგრძელებას გეგმავენ. შემდეგ ზაფხულში მათთვის ევროპული გრანდები იბრძოლებენ. ორივეს მომსახურებით ისეთი კლუბები არიან დაინტერესებულები, როგორებიცაა "ბარსელონა", "მანჩესტერ სიტი", "რეალი", "იუვენტუსი" და "პარი სენ-ჟერმენი".
ადრე გავრცელდა ინფორმაცია, რომ "აიაქსი", დე იონგისა და დე ლიგტის გაყიდვით, დაახლოებით, 140 მილიონ ევროს გამომუშავებას გეგმავს. ასევე იყო ცნობები, რომელთა თანახმადაც "ბარსელონა", რომელიც რამდენიმე ხანი პერსპექტიული ფეხბურთელებისთვის ბრძოლაში ფავორიტად მიიჩნეოდა, მოლაპარაკებებში პრობლემების გამოჩენას შიშობს, ვინაიდან ისინი იმავე რაოდენობის ხელფასს მოითხოვენ, როგორსაც მათ უფრო მდიდრულ კლუბებში სთავაზობენ.
ამ სიახლეზე კომენტარები გათიშულია.
კომენტარები [ 5 ]