სილესენის ჰოლანდიამ დემბელეს საფრანგეთი დაამარცხა [ვიდეო]

UEFA-ს ერთა ლიგაზე, პირველ ჯგუფში, ჰოლანდიის ნაკრებმა მსოფლიოს მოქმედ ჩემპიონებს უმასპინძლა. 

პირველი ტაიმის ბოლოს, ფრანგი მცველების ცუდი თამაშით ჯორჯინიო ვეინალდუმმა ისარგებლა და ანგარიში გახსნა, მეორე გოლი კი შეხვედრის მე-6 დამატებულ წუთზე, მემფის დეპაიმ თერთმეტმეტრიანი ნიშნულიდან გაიტანა. 

იასპერ სილესენი სასტარტო შემადგენლობაში იყო, უსმან დემბელე კი თამაშში 65-ე წუთზე, ოლივიე ჟირუს ნაცვლად ჩაერთო და მატჩის ბოლოს ყვითელი ბარათი მიიღო. 

[media=https://www.youtube.com/watch?v=d0rxHe7g2n8]

7 ქულით, ჯგუფს მაინც საფრანგეთი ლიდერობს, თუმცა დიდიე დეშამის გუნდს ჰოლანდიასთან, რომელსაც ერთით ნაკლები, 3 თამაში აქვს ჩატარებული მხოლოდ ერთი ქულა აშორებს. გერმანიის ნაკრებს კი 3 მატჩის შემდეგ ერთადერთი ქულა აქვს.